• News Desk
• 7 2026-06-18 05:49:37

കോട്ടയം കോട്ടയം മെഡിക്കൽ കോളജ് ആശുപത്രിയിൽ ചികിത്സയിൽ കഴിയുന്ന ഒരു സ്ത്രീക്ക് എബോള വൈറസ് ബാധയുണ്ടെന്ന സംശയത്തെ തുടർന്ന് ആരോഗ്യ വകുപ്പ് ജാഗ്രത ശക്തമാക്കി സൗത്ത് സുഡാനിൽ നിന്ന് അടുത്തിടെ കേരളത്തിലെത്തിയ സ്ത്രീയെ ആശുപത്രിയിലെ പ്രത്യേക ഐസലേഷൻ വാർഡിലേക്ക് മാറ്റി നിരീക്ഷണത്തിലാക്കിയിരിക്കുകയാണ് രോഗലക്ഷണങ്ങളും യാത്രാ പശ്ചാത്തലവും പരിഗണിച്ചാണ് എബോള സംശയം ഉയർന്നത് രോഗിയുടെ ആരോഗ്യനില വിദഗ്ധ ഡോക്ടർമാരുടെ നേതൃത്വത്തിൽ നിരന്തരം വിലയിരുത്തുന്നുണ്ട് ഇവരെ നിരീക്ഷിക്കുന്നതിനും ആവശ്യമായ ചികിത്സാ നടപടികൾ ഏകോപിപ്പിക്കുന്നതിനുമായി പ്രത്യേക മെഡിക്കൽ സംഘത്തെയും ആശുപത്രി അധികൃതർ നിയോഗിച്ചിട്ടുണ്ട് രോഗിയിൽ നിന്ന് ശേഖരിച്ച സാമ്പിളുകൾ വിശദ പരിശോധനയ്ക്കായി തിരുവനന്തപുരം വൈറോളജി ലബോറട്ടറിയിലേക്ക് അയച്ചിട്ടുണ്ട് പരിശോധനാ ഫലം ലഭിച്ചതിന് ശേഷമേ എബോള വൈറസ് ബാധയാണോ എന്ന് ഔദ്യോഗികമായി സ്ഥിരീകരിക്കാൻ കഴിയൂ എന്ന് ആരോഗ്യ വകുപ്പ് അറിയിച്ചു ഇതിനിടെ രോഗിയുമായി അടുത്ത സമ്പർക്കത്തിൽ ഉണ്ടായിരുന്നവരുടെ വിവരങ്ങളും ആരോഗ്യ വകുപ്പ് ശേഖരിച്ച് വരികയാണ് മുൻകരുതൽ നടപടികളുടെ ഭാഗമായി ആശുപത്രിയിൽ പ്രത്യേക സുരക്ഷാ ക്രമീകരണങ്ങളും അണുബാധ നിയന്ത്രണ മാർഗനിർദേശങ്ങളും നടപ്പാക്കിയിട്ടുണ്ട് ജനങ്ങൾ ആശങ്കപ്പെടേണ്ട സാഹചര്യമില്ലെന്നും ആരോഗ്യ വകുപ്പ് സ്ഥിതിഗതികൾ സൂക്ഷ്മമായി നിരീക്ഷിച്ചു വരികയാണെന്നും അധികൃതർ അറിയിച്ചു അന്തിമ പരിശോധനാ ഫലം ലഭിക്കുന്നതുവരെ ജാഗ്രത തുടരുമെന്നും ആരോഗ്യ വകുപ്പ് വ്യക്തമാക്കി