• News Desk
• 4 2026-06-19 04:24:46

തിരുവനന്തപുരം യുഡിഎഫ് സർക്കാരിന്റെ ആദ്യ ബജറ്റ് അവതരണം നിയമസഭയിൽ ആരംഭിച്ചു ധനമന്ത്രിയുടെ ചുമതലയും വഹിക്കുന്ന മുഖ്യമന്ത്രി വി ഡി സതീശനാണ് ബജറ്റ് അവതരിപ്പിക്കുന്നത് സംസ്ഥാനത്തിന്റെ അടുത്ത അഞ്ച് വർഷത്തെ വികസന ദിശ നിർണയിക്കുന്ന സമഗ്ര പദ്ധതികളുടെ രൂപരേഖയായിരിക്കും ഈ ബജറ്റെന്ന് മുഖ്യമന്ത്രി ബജറ്റ് പ്രസംഗത്തിൽ വ്യക്തമാക്കി ധവളപത്രത്തിലെ കണക്കുകൾ ഉദ്ധരിച്ചാണ് മുഖ്യമന്ത്രി ബജറ്റ് അവതരണം ആരംഭിച്ചത് വ്യക്തമായ ജനവിധിയോടെ അധികാരത്തിലെത്തിയ യുഡിഎഫ് സർക്കാർ പുതുയുഗ കേരളം സൃഷ്ടിക്കാൻ പ്രതിജ്ഞാബദ്ധമാണെന്നും അദ്ദേഹം പറഞ്ഞു സാമ്പത്തിക വളർച്ച അടിസ്ഥാന സൗകര്യ വികസനം തൊഴിൽ സൃഷ്ടി ക്ഷേമപദ്ധതികൾ എന്നിവയ്ക്ക് പ്രാധാന്യം നൽകിക്കൊണ്ടായിരിക്കും സർക്കാരിന്റെ മുന്നോട്ടുള്ള പ്രവർത്തനമെന്നും അദ്ദേഹം കൂട്ടിച്ചേർത്തു രാവിലെ 9 മണിക്കാണ് ബജറ്റ് അവതരണം ആരംഭിച്ചത് ബജറ്റ് രേഖ ധനവകുപ്പ് അഡീഷനൽ ചീഫ് സെക്രട്ടറി കെ ആർ ജ്യോതിലാൽ കന്റോൺമെന്റ് ഹൗസിലെത്തി മുഖ്യമന്ത്രിക്ക് കൈമാറി തുടർന്ന് നിയമസഭയിൽ ബജറ്റ് അവതരിപ്പിക്കുകയായിരുന്നു കഴിഞ്ഞ സർക്കാർ ജനുവരി 29ന് അവതരിപ്പിച്ച ബജറ്റിന്റെ പുതുക്കിയ രൂപമാണ് ഇത്തവണ അവതരിപ്പിക്കുന്നത് സംസ്ഥാനത്തിന്റെ സാമ്പത്തിക സ്ഥിതി വരുമാന ചെലവ് കണക്കുകൾ വികസന പദ്ധതികൾ എന്നിവയെ അടിസ്ഥാനമാക്കി പുതിയ നിർദേശങ്ങളും ബജറ്റിൽ ഉൾപ്പെടുത്തിയിട്ടുണ്ട് കേന്ദ്ര സർക്കാരിൽ നിന്ന് പ്രതീക്ഷിച്ചിരുന്ന റവന്യൂ കമ്മി ഗ്രാന്റ് ഉൾപ്പെടെയുള്ള സാമ്പത്തിക സഹായങ്ങൾ ലഭിക്കുമോയെന്ന കാര്യത്തിൽ അനിശ്ചിതത്വം നിലനിൽക്കുന്ന സാഹചര്യത്തിൽ സംസ്ഥാനത്തിന്റെ വരുമാനം വർധിപ്പിക്കുന്നതിനുള്ള നിർണായക നിർദേശങ്ങൾ ബജറ്റിൽ ഉൾപ്പെടുമെന്ന് സൂചനയുണ്ട് നികുതി സമാഹരണം ശക്തിപ്പെടുത്തൽ നിക്ഷേപ ആകർഷണം അടിസ്ഥാന സൗകര്യ വികസന പദ്ധതികൾക്ക് മുൻഗണന നൽകൽ തുടങ്ങിയ വിഷയങ്ങൾ ബജറ്റിലെ പ്രധാന ആകർഷണങ്ങളാകുമെന്നാണ് വിലയിരുത്തൽ യുഡിഎഫ് സർക്കാരിന്റെ ഭരണകാലത്തെ ആദ്യ സമ്പൂർണ സാമ്പത്തിക രേഖയായ ഈ ബജറ്റിൽ പൊതുജനങ്ങളുടെ പ്രതീക്ഷകൾ ഏറെ ഉയർന്നിരിക്കുകയാണ് വികസനവും സാമ്പത്തിക ശാസ്ത്രീയതയും ഒരുപോലെ മുന്നോട്ടുകൊണ്ടുപോകുന്ന പദ്ധതികളാണ് സർക്കാർ അവതരിപ്പിക്കുമോയെന്നത് ഇനി സഭാ ചർച്ചകളിലും ബജറ്റിന്റെ വിശദാംശങ്ങളിലുമാകും വ്യക്തമാകുക ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക