• News Desk
• 8 2026-06-20 04:33:37

തിരുവനന്തപുരം പതിവ് രാഷ്ട്രീയ ബജറ്റ് ദിനങ്ങളിലെ ആഘോഷങ്ങളും ആഡംബര കാഴ്ചകളും ഒഴിവാക്കി ലാളിത്യത്തിനും പ്രൊഫഷണലിസത്തിനും മുൻതൂക്കം നൽകി മുഖ്യമന്ത്രി വി ഡി സതീശൻ തന്റെ ആദ്യ ബജറ്റ് അവതരണം നിർവഹിച്ചു കന്റോൺമെന്റ് ഹൗസിൽ നിന്ന് നിയമസഭയിലേക്കുള്ള യാത്രയും ബജറ്റ് ദിനത്തിലെ ഒരുക്കങ്ങളും മുൻകാലങ്ങളിൽ നിന്ന് വ്യത്യസ്തമായ ശൈലിയിലാണ് നടന്നത് പുലർച്ചെ നാലരയോടെയാണ് സർക്കാർ പ്രസിൽ അച്ചടിച്ച ബജറ്റ് പ്രസംഗത്തിന്റെ ആദ്യ പകർപ്പ് കന്റോൺമെന്റ് ഹൗസിലെത്തിച്ചത് ഉദ്യോഗസ്ഥരിൽ നിന്ന് പകർപ്പ് ഏറ്റുവാങ്ങിയ മുഖ്യമന്ത്രി ബജറ്റ് വീണ്ടും സൂക്ഷ്മമായി വായിച്ച ശേഷമാണ് ഔദ്യോഗിക നടപടികളിലേക്ക് കടന്നത് തുടർന്ന് രാവിലെ ഏഴരയോടെ ചീഫ് സെക്രട്ടറി എ ജയതിലക് ധനകാര്യ സെക്രട്ടറി കെ ആർ ജ്യോതിലാൽ മുഖ്യമന്ത്രിയുടെ സെക്രട്ടറി രത്തൻ യു കേൽക്കർ എന്നിവരുടെ നേതൃത്വത്തിലുള്ള സംഘം ബജറ്റ് രേഖ ഔദ്യോഗികമായി കൈമാറി മുൻകാല ബജറ്റ് ദിനങ്ങളിൽ പതിവായിരുന്ന കുടുംബാംഗങ്ങളുടെ സാന്നിധ്യവും മാധ്യമങ്ങൾക്ക് മുന്നിലെ പ്രതികരണങ്ങളും ഇത്തവണ ഉണ്ടായില്ല രാവിലെ എട്ടരയോടെ മുഖ്യമന്ത്രി നേരിട്ട് നിയമസഭയിലേക്ക് തിരിച്ചു മാധ്യമങ്ങളോട് സംസാരിക്കാതെയും പ്രത്യേക രാഷ്ട്രീയ പരാമർശങ്ങൾ നടത്താതെയുമായിരുന്നു യാത്ര നിയമസഭയിൽ ബജറ്റ് അവതരണത്തിന് മുന്നോടിയായി ഭരണപക്ഷ പ്രതിപക്ഷ അംഗങ്ങളുമായി സൗഹൃദ സംഭാഷണങ്ങൾ നടത്തിയ മുഖ്യമന്ത്രി ആദ്യ ബജറ്റ് അവതരിപ്പിക്കുന്നതിനുള്ള ആശംസകളും സ്വീകരിച്ചു ബജറ്റ് അവതരിപ്പിക്കാനായി മുഖ്യമന്ത്രിയുടെ ഇരിപ്പിടത്തിൽ പ്രത്യേക പോഡിയം ഒരുക്കിയിരുന്നു മുൻ ധനമന്ത്രി കെ എൻ ബാലഗോപാൽ ടാബ് ലെറ്റിലൂടെ ബജറ്റ് അവതരിപ്പിച്ച മാതൃക പിന്തുടരാതെ പരമ്പരാഗത രീതിയിൽ അച്ചടിച്ച രേഖ ഉപയോഗിച്ചാണ് സതീശൻ ബജറ്റ് അവതരിപ്പിച്ചത് ബജറ്റ് വായന ആരംഭിച്ച ശേഷം ഇടവേളകളില്ലാതെ പ്രസംഗം തുടർന്നു പ്രധാന പ്രഖ്യാപനങ്ങൾ ഓരോന്നും ഭരണപക്ഷ എംഎൽഎമാരുടെ കയ്യടിയോടെയും ഡസ്കിൽ തട്ടിയുള്ള അഭിനന്ദനങ്ങളോടെയും സ്വീകരിക്കപ്പെട്ടു കോട്ടയം ആകാശപ്പാത പദ്ധതി പുനരാരംഭിക്കുമെന്ന പ്രഖ്യാപനം സഭയിൽ പ്രത്യേക ശ്രദ്ധ നേടി പ്രഖ്യാപനം കേട്ട സ്പീക്കർ തിരുവഞ്ചൂർ രാധാകൃഷ്ണൻ ഉൾപ്പെടെ നിരവധി അംഗങ്ങൾ ചിരിക്കുകയും സഭയിലെ ഗൗരവാന്തരീക്ഷം കുറച്ചുനേരം ലഘൂകരിക്കപ്പെടുകയും ചെയ്തു ലാളിത്യവും ഔദ്യോഗിക ഗൗരവവും ഒത്തുചേർന്ന ബജറ്റ് ദിനമാണ് മുഖ്യമന്ത്രിയുടെ ആദ്യ ബജറ്റ് അവതരണത്തെ ശ്രദ്ധേയമാക്കിയത് പതിവ് രാഷ്ട്രീയ പ്രകടനങ്ങളിൽ നിന്ന് മാറി ഭരണപരമായ ശൈലിക്ക് മുൻതൂക്കം നൽകിയ അവതരണമായി ഇത് വിലയിരുത്തപ്പെടുന്നു ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക