• News Desk
• 8 2026-06-20 04:56:44

കോട്ടയം എബോള വൈറസ് ബാധ സംശയിച്ച് കോട്ടയം മെഡിക്കൽ കോളേജിൽ നിരീക്ഷണത്തിലായിരുന്ന സ്ത്രീയുടെ പരിശോധനാഫലം നെഗറ്റീവായതായി ആരോഗ്യവകുപ്പ് അറിയിച്ചു പുണെയിലെ ദേശീയ വൈറോളജി ലബോറട്ടറിയിൽ നടത്തിയ പരിശോധനയിലാണ് രോഗബാധ ഇല്ലെന്ന് സ്ഥിരീകരിച്ചത് ഇതോടെ ചികിത്സയിലും നിരീക്ഷണത്തിലുമിരുന്ന 52 കാരിയെ ആശുപത്രിയിൽ നിന്ന് ഡിസ്ചാർജ് ചെയ്തു സൗത്ത് സുഡാനിൽ നിന്ന് ഉഗാണ്ട വഴി കേരളത്തിലെത്തിയ സ്ത്രീയാണ് ആരോഗ്യപ്രശ്നങ്ങളെ തുടർന്ന് ആദ്യം സ്വകാര്യ ആശുപത്രിയിലും പിന്നീട് കോട്ടയം മെഡിക്കൽ കോളേജിലും പ്രവേശിപ്പിക്കപ്പെട്ടത് യാത്രയ്ക്ക് പിന്നാലെ കടുത്ത ഛർദിയും രക്തത്തിലെ പഞ്ചസാരയുടെ അളവ് ഉയർന്ന നിലയിലുമായിരുന്നു എബോള വ്യാപനം റിപ്പോർട്ട് ചെയ്ത പ്രദേശങ്ങളിലൂടെ യാത്ര ചെയ്ത പശ്ചാത്തലത്തിലാണ് ആരോഗ്യവകുപ്പ് പ്രത്യേക ജാഗ്രത സ്വീകരിക്കുകയും സാമ്പിളുകൾ പരിശോധനയ്ക്ക് അയക്കുകയും ചെയ്തത് പരിശോധനാഫലം നെഗറ്റീവായതോടെ എബോള ഭീതി ഒഴിഞ്ഞെങ്കിലും ആരോഗ്യവകുപ്പ് ജാഗ്രത തുടരുകയാണ് അടുത്തിടെ ഉഗാണ്ടയിലും ഡെമോക്രാറ്റിക് റിപ്പബ്ലിക് ഓഫ് കോംഗോയിലും എബോളയുടെ ബുണ്ടിബുഗ്യോ വകഭേദം റിപ്പോർട്ട് ചെയ്തിരുന്നു രോഗവ്യാപനത്തെ തുടർന്ന് നിരവധി പേർക്ക് ജീവൻ നഷ്ടമായതും അന്താരാഷ്ട്ര തലത്തിൽ ആശങ്ക ഉയർത്തിയിരുന്നു എബോള വൈറസ് ബാധിതരുടെ രക്തം വിസർജ്യം മറ്റ് ശരീരസ്രവങ്ങൾ എന്നിവയിലൂടെയാണ് പ്രധാനമായും രോഗം പകരുന്നത് രോഗബാധിതരായ മൃഗങ്ങളുമായുള്ള സമ്പർക്കവും പൂർണമായി പാകം ചെയ്യാത്ത മാംസം കഴിക്കുന്നതും രോഗവ്യാപനത്തിന് കാരണമായേക്കാം വായുവിലൂടെയോ വെള്ളത്തിലൂടെയോ സാധാരണ ഭക്ഷണത്തിലൂടെയോ രോഗം പകരില്ലെന്നാണ് ആരോഗ്യവിദഗ്ധർ വ്യക്തമാക്കുന്നത് വൈറസ് ശരീരത്തിൽ പ്രവേശിച്ചതിന് ശേഷം രണ്ട് മുതൽ 21 ദിവസത്തിനുള്ളിൽ പനി തലവേദന പേശിവേദന തൊണ്ടവേദന ഛർദി തൊലിപ്പുറത്ത് തിണർപ്പ് തുടങ്ങിയ ലക്ഷണങ്ങൾ പ്രകടമാകാം ഗുരുതരാവസ്ഥയിൽ ആന്തരിക രക്തസ്രാവവും കരൾ വൃക്ക തുടങ്ങിയ അവയവങ്ങളുടെ പ്രവർത്തന തകരാറും ഉണ്ടാകാൻ സാധ്യതയുണ്ട് രോഗപ്രതിരോധമാണ് എബോളയ്ക്കെതിരായ ഏറ്റവും ഫലപ്രദമായ മാർഗമെന്ന് ആരോഗ്യവകുപ്പ് ആവർത്തിച്ച് വ്യക്തമാക്കുന്നു രോഗബാധിതരുമായി നേരിട്ടുള്ള സമ്പർക്കം ഒഴിവാക്കുക വ്യക്തിഗത ശുചിത്വം പാലിക്കുക രോഗലക്ഷണങ്ങൾ കണ്ടാൽ ഉടൻ ചികിത്സ തേടുക എന്നിവയാണ് പ്രധാന മുൻകരുതലുകൾ പരിശോധനാഫലം നെഗറ്റീവായതോടെ സംസ്ഥാനത്ത് ആശങ്കയ്ക്ക് ഇടയാക്കിയ എബോള സംശയം അവസാനിച്ചെങ്കിലും അന്താരാഷ്ട്ര യാത്രകളുടെ പശ്ചാത്തലത്തിൽ ആരോഗ്യവകുപ്പ് നിരീക്ഷണവും ജാഗ്രതാ നടപടികളും തുടരുമെന്നാണ് വിവരം ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക