• News Desk
• 11 2026-06-21 08:02:18

തിരുവനന്തപുരം കോൺഗ്രസ് പാർട്ടിയിൽ സമഗ്രമായ സംഘടനാ അഴിച്ചുപണി അനിവാര്യമാണെന്ന് മുതിർന്ന കോൺഗ്രസ് നേതാവും കാസർകോട് എംപിയുമായ രാജ്മോഹൻ ഉണ്ണിത്താൻ അഭിപ്രായപ്പെട്ടു പാർട്ടിയിൽ നിലനിൽക്കുന്ന ജാതി സമവാക്യ രാഷ്ട്രീയം അവസാനിപ്പിച്ച് യോഗ്യത പ്രവർത്തനപരിചയം സംഘടനാ മികവ് എന്നിവയുടെ അടിസ്ഥാനത്തിൽ നേതൃസ്ഥാനങ്ങൾ നിശ്ചയിക്കണമെന്നും അദ്ദേഹം ആവശ്യപ്പെട്ടു കെപിസിസി അധ്യക്ഷ സ്ഥാനത്തേക്ക് തന്നെ പരിഗണിക്കണമെന്ന് ആവശ്യപ്പെട്ട് എഐസിസി നേതൃത്വത്തിന് കത്ത് നൽകിയിട്ടുണ്ടെന്ന് അദ്ദേഹം വ്യക്തമാക്കി 1978 മുതൽ കോൺഗ്രസ് സംഘടനയ്ക്കായി പ്രവർത്തിച്ച തന്റെ ദീർഘകാല രാഷ്ട്രീയ സംഘടനാ പാരമ്പര്യം ഹൈക്കമാൻഡ് പരിഗണിക്കണമെന്നും അദ്ദേഹം ആവശ്യപ്പെട്ടു ജാതി സമവാക്യങ്ങൾ കണക്കിലെടുത്തുള്ള നിയമനങ്ങൾ മൂലം അർഹതയും കഴിവുമുള്ള പല നേതാക്കളും പിന്നിലാക്കപ്പെടുന്ന സാഹചര്യമാണുള്ളതെന്ന് ഉണ്ണിത്താൻ ചൂണ്ടിക്കാട്ടി പാർട്ടി അധ്യക്ഷനെ തിരഞ്ഞെടുക്കുമ്പോൾ ജാതിയോ വിഭാഗീയതയോ അല്ല മറിച്ച് സംഘടനാ പരിചയവും നേതൃത്വ ശേഷിയും പ്രവർത്തന മികവും മാത്രമാണ് മാനദണ്ഡമാകേണ്ടതെന്നും അദ്ദേഹം പറഞ്ഞു കെപിസിസി അധ്യക്ഷ സ്ഥാനത്തേക്ക് പരിഗണിക്കപ്പെടുന്ന ചിലർ പിആർ പ്രവർത്തനങ്ങളിലൂടെ സ്വയം പ്രചാരണം നടത്തുന്നവരാണെന്നും അദ്ദേഹം വിമർശിച്ചു ഇത്തരക്കാർ പാർട്ടിയെ വളർത്തുന്നതിലല്ല സ്വന്തം രാഷ്ട്രീയ പ്രതിച്ഛായ വികസിപ്പിക്കുന്നതിലാണു കൂടുതൽ ശ്രദ്ധ കേന്ദ്രീകരിക്കുന്നതെന്നും അദ്ദേഹം ആരോപിച്ചു പാർട്ടിക്കുള്ളിൽ ഫേക്ക് സോഷ്യൽ മീഡിയ അക്കൗണ്ടുകൾ ഉപയോഗിച്ച് ചില നേതാക്കൾ വ്യക്തിപരമായ ഇമേജ് നിർമ്മാണം നടത്തുന്നതായും അതിന്റെ ദോഷഫലങ്ങളാണ് കോൺഗ്രസ് ഇപ്പോൾ അനുഭവിക്കുന്നതെന്നും അദ്ദേഹം പറഞ്ഞു അതേസമയം കെപിസിസി അധ്യക്ഷ സ്ഥാനത്തേക്ക് എംപിമാരെയും എംഎൽഎമാരെയും പരിഗണിക്കരുതെന്ന ആവശ്യവും പാർട്ടിക്കുള്ളിൽ ശക്തമാകുന്നുണ്ട് കോട്ടയം ഡിസിസി ഓഫീസിന് മുന്നുൾപ്പെടെ വിവിധ സ്ഥലങ്ങളിൽ സ്ഥാപിച്ച ഫ്ലക്സ് ബോർഡുകളിലൂടെ ഈ ആവശ്യം ഉയർത്തിയിട്ടുണ്ട് എംപിമാരും എംഎൽഎമാരും സ്വന്തം മണ്ഡലങ്ങളുടെ പ്രവർത്തനങ്ങളിൽ ശ്രദ്ധ കേന്ദ്രീകരിക്കട്ടെ എന്ന സന്ദേശമാണ് ഫ്ലക്സുകളിലുണ്ടായിരുന്നത് കെപിസിസി അധ്യക്ഷ സ്ഥാനത്തെ ചൊല്ലി പാർട്ടിക്കുള്ളിൽ ചർച്ചകളും അഭിപ്രായ വ്യത്യാസങ്ങളും ശക്തമാകുന്നതിനിടെയാണ് രാജ്മോഹൻ ഉണ്ണിത്താന്റെ തുറന്ന പ്രതികരണം സംസ്ഥാന കോൺഗ്രസിന്റെ ഭാവി നേതൃത്വത്തെക്കുറിച്ചുള്ള ചർച്ചകൾ കൂടുതൽ സജീവമാകുന്ന സാഹചര്യത്തിൽ അദ്ദേഹത്തിന്റെ പരാമർശങ്ങൾ രാഷ്ട്രീയ വൃത്തങ്ങളിൽ ശ്രദ്ധ നേടുകയാണ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക