• News Desk
• 11 2026-06-21 12:50:57

കൊച്ചി മലയാള സിനിമാ താരങ്ങളുടെ സംഘടനയായ അമ്മ യിൽ വീണ്ടും ആഭ്യന്തര പ്രതിസന്ധി രൂക്ഷമാകുന്നതിനിടെ പ്രസിഡന്റ് ശ്വേതാ മേനോൻ രാജിവെച്ചതായി പ്രഖ്യാപിച്ചു സംഘടനയ്ക്കുള്ളിൽ കുറ്റാരോപിതരായ ചിലരുടെ സ്വാധീനം വർധിപ്പിക്കാനുള്ള നീക്കമാണ് നടക്കുന്നതെന്നും അതിന്റെ ഭാഗമായാണ് നിലവിലെ ഭരണസമിതിയെ പുറത്താക്കാൻ ശ്രമിച്ചതെന്നും അവർ ആരോപിച്ചു ഇതിന് പിന്നാലെ അമ്മ യുടെ ഭരണസമിതി ഒന്നടങ്കം രാജിവെച്ചതോടെ സംഘടന വീണ്ടും അനിശ്ചിതത്വത്തിലായി മാധ്യമങ്ങളോട് സംസാരിക്കവെ ശ്വേതാ മേനോൻ ശക്തമായ ആരോപണങ്ങളാണ് ഉന്നയിച്ചത് സംഘടനയുടെ നിയന്ത്രണം വീണ്ടും ചില വിവാദ വ്യക്തികളുടെ കൈകളിലെത്തിക്കാനുള്ള ആസൂത്രിത നീക്കമാണ് നടന്നതെന്നും അതിനായി അംഗങ്ങളെ സ്വാധീനിച്ച് അവിശ്വാസ പ്രമേയത്തിൽ ഒപ്പിടിപ്പിച്ചുവെന്നുമാണ് അവരുടെ ആരോപണം ഭരണസമിതിയോട് ഒരു വിശദീകരണവും നൽകാതെയാണ് ഇത്തരം നടപടികൾ സ്വീകരിച്ചതെന്നും അവർ പറഞ്ഞു താൻ ആരുടെയും പാവ യായി പ്രവർത്തിക്കാൻ തയ്യാറല്ലെന്നും വ്യക്തിത്വവും നിലപാടുകളും തുറന്നു പറയുന്ന വ്യക്തിയായതിനാലാണ് ചിലർക്കത് അസ്വസ്ഥതയുണ്ടാക്കിയതെന്നും ശ്വേതാ മേനോൻ വ്യക്തമാക്കി സംഘടനയിലെ ചില സാമ്പത്തിക കാര്യങ്ങളെക്കുറിച്ചും അവർ സംശയങ്ങൾ ഉന്നയിച്ചു നിലവിലെ ഭരണസമിതി ചുമതലയേറ്റ ശേഷം നടന്ന എല്ലാ സാമ്പത്തിക ഇടപാടുകളും കൃത്യമാണെന്നും മുൻ ഭരണസമിതിയുടെ കാലത്തെ കണക്കുകളിൽ നിരവധി പൊരുത്തക്കേടുകൾ ഉണ്ടെന്നും അവർ ആരോപിച്ചു സംഘടനയുടെ ട്രഷറർ ചില വിഷയങ്ങളിൽ കമ്മിറ്റിയെ അറിയിക്കാതെയാണ് പ്രവർത്തിച്ചതെന്നും ഒരു ജീവനക്കാരിയുമായി ബന്ധപ്പെട്ട പരാതികൾ ഉയർന്നതിനു പിന്നാലെ അദ്ദേഹം ഉത്തരവാദിത്തങ്ങളിൽ നിന്ന് ഒഴിഞ്ഞുമാറിയെന്നും ശ്വേതാ മേനോൻ വിമർശിച്ചു സംഘടനയുടെ ആഭ്യന്തര വിഷയങ്ങൾ ഇതുവരെ പൊതുജനങ്ങൾക്കുമുന്നിൽ കൊണ്ടുവരാതിരുന്നത് അമ്മ എന്ന സ്ഥാപനത്തിന്റെ മാന്യത കാത്തുസൂക്ഷിക്കാനായിരുന്നുവെന്നും അവർ പറഞ്ഞു ഇതിനിടെ കൊച്ചിയിൽ ചേർന്ന വാർഷിക ജനറൽ ബോഡി യോഗം കടുത്ത വിമർശനങ്ങൾക്കും തർക്കങ്ങൾക്കും സാക്ഷിയായി വാർഷിക റിപ്പോർട്ടും സാമ്പത്തിക കണക്കുകളും അംഗീകരിക്കാൻ അംഗങ്ങൾ തയ്യാറായില്ല റിപ്പോർട്ടിലെയും കണക്കുകളിലെയും വീഴ്ചകൾ ചൂണ്ടിക്കാട്ടി നിരവധി അംഗങ്ങൾ രംഗത്തെത്തി യോഗത്തിനിടെയാണ് ശ്വേതാ മേനോൻ രാജി പ്രഖ്യാപിച്ചത് ആദ്യം മറ്റ് അംഗങ്ങൾ അനുനയിപ്പിച്ച് തീരുമാനം പിൻവലിപ്പിച്ചെങ്കിലും പിന്നീട് ഭരണസമിതി മുഴുവനും രാജിവെക്കാൻ തീരുമാനിക്കുകയായിരുന്നു 17 അംഗങ്ങളുള്ള എക്സിക്യൂട്ടീവ് കമ്മിറ്റിയുടെ കൂട്ടരാജി അമ്മ യുടെ ഭാവി നേതൃത്വത്തെക്കുറിച്ചുള്ള ചർച്ചകൾക്ക് വഴിതെളിച്ചിട്ടുണ്ട് സംഘടനയ്ക്കുള്ളിലെ ഭിന്നതകളും ആരോപണങ്ങളും വീണ്ടും പൊതുചർച്ചയാകുമ്പോൾ പുതിയ നേതൃത്വത്തെ തിരഞ്ഞെടുക്കുന്നതിനുള്ള നടപടികൾ ഉടൻ ആരംഭിക്കുമെന്നാണ് സൂചന മലയാള സിനിമാ മേഖലയിലെ ഏറ്റവും സ്വാധീനമുള്ള സംഘടനകളിലൊന്നായ അമ്മ യിൽ വീണ്ടും പ്രതിസന്ധി പൊട്ടിപ്പുറപ്പെട്ടത് സിനിമാലോകത്തും ആരാധകർക്കിടയിലും വലിയ ചർച്ചകൾക്ക് ഇടയാക്കിയിരിക്കുകയാണ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക