• News Desk
• 9 2026-06-21 08:16:24

തിരുവനന്തപുരം സംസ്ഥാനത്ത് ഡിസംബർ മാസം വരെ രാത്രികാലങ്ങളിൽ കടുത്ത വൈദ്യുതി പ്രതിസന്ധി തുടരാൻ സാധ്യതയുണ്ടെന്ന് കെഎസ്ഇബി മുന്നറിയിപ്പ് നൽകി ആവശ്യത്തിന് വൈദ്യുതി ലഭ്യമാക്കാൻ ഉയർന്ന നിരക്കിൽ പോലും വൈദ്യുതി വാങ്ങേണ്ട സാഹചര്യം നിലനിൽക്കുന്നതായി കെഎസ്ഇബി വൈദ്യുതി റഗുലേറ്ററി കമ്മിഷനെ അറിയിച്ചു നിലവിൽ യൂണിറ്റിന് 10 രൂപ വരെ നിരക്കിൽ വൈദ്യുതി വാങ്ങാമെന്ന നിയന്ത്രണമുണ്ടെങ്കിലും പ്രതിസന്ധി രൂക്ഷമായാൽ അതിലും ഉയർന്ന നിരക്കിൽ വൈദ്യുതി വാങ്ങേണ്ടി വരുമെന്നാണ് ബോർഡിന്റെ വിലയിരുത്തൽ ഇല്ലെങ്കിൽ നിലവിൽ ജൂൺ 30 വരെ ഏർപ്പെടുത്തിയിരിക്കുന്ന വൈദ്യുതി നിയന്ത്രണങ്ങളും ലോഡ് ഷെഡിംഗും കൂടുതൽ സമയത്തേക്ക് നീട്ടേണ്ടിവരുമെന്ന ആശങ്കയും ഉയരുന്നുണ്ട് സംസ്ഥാനത്തിന്റെ വൈദ്യുതി ആവശ്യകത നിറവേറ്റുന്നതിനായി കെഎസ്ഇബി ഡീപ് പോർട്ടൽ വഴി ഈ മാസം 15 മുതൽ 30 വരെയും തുടർന്നുള്ള മാസങ്ങളിലേക്കുമായി ടെൻഡറുകൾ ക്ഷണിച്ചെങ്കിലും ജൂൺ മാസത്തേക്കുള്ള ആവശ്യത്തിന് ഒരു കമ്പനിയും ബിഡ് സമർപ്പിച്ചില്ല ജൂലൈ മാസത്തേക്കുള്ള വൈദ്യുതി വിതരണത്തിന് ചില കമ്പനികൾ യൂണിറ്റിന് 10 99 രൂപ വരെ നിരക്ക് രേഖപ്പെടുത്തിയിരുന്നു തുടർന്ന് നടത്തിയ ചർച്ചകൾക്ക് ശേഷം ഇത് 9 99 രൂപയായി കുറയ്ക്കാൻ കെഎസ്ഇബിക്ക് സാധിച്ചു ഒക്ടോബർ മുതൽ ഡിസംബർ വരെയുള്ള മാസങ്ങളിൽ യൂണിറ്റിന് 9 07 രൂപയും 9 02 രൂപയുമായി നിർദേശിച്ചിരുന്ന നിരക്കുകൾ 8 89 രൂപയാക്കി കുറച്ചതായും അധികൃതർ അറിയിച്ചു എന്നാൽ സെപ്റ്റംബർ മാസത്തേക്കുള്ള വൈദ്യുതിക്ക് യൂണിറ്റിന് 12 98 രൂപ വരെ നിരക്ക് ആവശ്യപ്പെട്ടതോടെ പുതിയ ടെൻഡർ ക്ഷണിക്കാൻ കെഎസ്ഇബി തീരുമാനിച്ചു വേനൽക്കാലത്ത് സംസ്ഥാനത്തെ വൈദ്യുതി ക്ഷാമം മറികടക്കാൻ മറ്റ് സംസ്ഥാനങ്ങളിൽ നിന്ന് ബാങ്കിങ് കരാർ പ്രകാരം വായ്പയായി വൈദ്യുതി സ്വീകരിച്ചിരുന്നു ഈ വായ്പയായി ലഭിച്ച വൈദ്യുതി ജൂൺ 15 മുതൽ സെപ്റ്റംബർ 30 വരെ തിരിച്ചുനൽകേണ്ട ബാധ്യതയും നിലവിലുണ്ട് ഇതിനൊപ്പം സംസ്ഥാനത്തെ റിസർവോയറുകളിലെ ജലനിരപ്പ് ഗണ്യമായി കുറഞ്ഞതും പ്രതിസന്ധി രൂക്ഷമാക്കുകയാണ് പകൽ സമയങ്ങളിൽ സോളാർ വൈദ്യുതി ഉത്പാദനം ലഭ്യമാണെങ്കിലും രാത്രികാല ആവശ്യങ്ങൾ നിറവേറ്റാൻ ആവശ്യമായ ബാറ്ററി സ്റ്റോറേജ് സംവിധാനങ്ങൾ സംസ്ഥാനത്ത് നിലവിലില്ല അതിനാൽ രാത്രികാലങ്ങളിൽ വൈദ്യുതി ലഭ്യത ഉറപ്പാക്കുന്നത് കെഎസ്ഇബിക്ക് വലിയ വെല്ലുവിളിയായി മാറിയിരിക്കുകയാണ് ഇതിനിടെ വൈദ്യുതി പ്രതിസന്ധിയെക്കുറിച്ച് പ്രതികരിച്ച വൈദ്യുതി മന്ത്രി സണ്ണി ജോസഫ് ഞാൻ മന്ത്രിയായതിന് ശേഷം മഴ പോലും കിട്ടുന്നില്ല എന്നൊരു പ്രശ്നമുണ്ട് എന്ന് തമാശരൂപത്തിൽ പറഞ്ഞത് ശ്രദ്ധേയമായി മഴയുടെ അഭാവവും ജലവൈദ്യുതോത്പാദനത്തിലെ ഇടിവും നിലവിലെ പ്രതിസന്ധിക്ക് പ്രധാന കാരണങ്ങളാണെന്ന് വിദഗ്ധർ ചൂണ്ടിക്കാട്ടുന്നു സംസ്ഥാനത്തെ വൈദ്യുതി ആവശ്യകത ദിനംപ്രതി ഉയരുന്ന സാഹചര്യത്തിൽ കൂടുതൽ വൈദ്യുതി വാങ്ങുകയോ നിയന്ത്രണങ്ങൾ ശക്തമാക്കുകയോ ചെയ്യേണ്ട സാഹചര്യം വരാനിടയുണ്ടെന്നാണ് കെഎസ്ഇബിയുടെ വിലയിരുത്തൽ മഴ ശക്തമാകുകയും ജലസംഭരണികൾ നിറയുകയും ചെയ്യുന്നതുവരെ വൈദ്യുതി മേഖലയിൽ ആശങ്ക തുടരുമെന്നാണ് സൂചന ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക