• News Desk
• 5 2026-06-22 13:36:52

തൂത്തുക്കുടി തമിഴ് നാട്ടിലെ തൂത്തുക്കുടി ജില്ലയിൽ ഞായറാഴ്ച വൈകുന്നേരമുണ്ടായ അതിശക്തമായ കാറ്റ് വ്യാപക നാശനഷ്ടങ്ങൾക്ക് ഇടയാക്കി ടൊർണാഡോയ്ക്ക് സമാനമായ രീതിയിൽ ആകാശത്തേക്ക് പൊടിപടലങ്ങളും അവശിഷ്ടങ്ങളും ഉയർത്തിക്കൊണ്ട് രൂപപ്പെട്ട വൻ ചുഴലിക്കാറ്റ് പ്രദേശവാസികളിൽ വലിയ ഭീതി സൃഷ്ടിച്ചു സംഭവത്തിന്റെ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിച്ചതോടെ രാജ്യത്തിന്റെ വിവിധ ഭാഗങ്ങളിൽ നിന്നുള്ളവരും ആശങ്ക പ്രകടിപ്പിച്ചു തൂത്തുക്കുടി വിമാനത്താവളത്തിന് സമീപവും തൂത്തുക്കുടി തിരുനെൽവേലി ദേശീയപാതയിലെ വഗൈകുളം മുടിവൈത്തനേന്തൽ എന്നീ ഗ്രാമപ്രദേശങ്ങളിലുമാണ് കാറ്റ് ഏറ്റവും കൂടുതൽ നാശം വിതച്ചത് അതിശക്തമായി വീശിയ കാറ്റിൽ വീടുകളുടെ മേൽക്കൂരകൾ പറന്നുപോകുകയും നിരവധി കെട്ടിടങ്ങൾക്ക് കേടുപാടുകൾ സംഭവിക്കുകയും ചെയ്തു പ്രാഥമിക കണക്കുകൾ പ്രകാരം ഏകദേശം 200 വീടുകൾക്ക് നാശനഷ്ടമുണ്ടായിട്ടുണ്ട് കാറ്റിന്റെ ശക്തിയിൽ നിരവധി മരങ്ങൾ കടപുഴകി വീണു ഇതോടെ വൈദ്യുതി പോസ്റ്റുകൾ തകരുകയും വിവിധ പ്രദേശങ്ങളിൽ വൈദ്യുതി വിതരണം തടസപ്പെടുകയും ചെയ്തു വഗൈകുളം ടോൾ പ്ലാസയിലെ ഗ്ലാസ് പാനലുകളും കമ്പ്യൂട്ടർ സംവിധാനങ്ങളും തകർന്നതിനെ തുടർന്ന് വാഹനങ്ങളെ ടോൾ ഫീസ് ഈടാക്കാതെ കടത്തിവിടേണ്ട സാഹചര്യമുണ്ടായി സമീപത്തെ സ്വകാര്യ തീം പാർക്കിനും കാര്യമായ നാശനഷ്ടം സംഭവിച്ചതായാണ് റിപ്പോർട്ടുകൾ അതേസമയം സാമൂഹ്യമാധ്യമങ്ങളിൽ പ്രചരിച്ചതുപോലെ ഇത് യഥാർഥ ടൊർണാഡോ അല്ലെന്ന് ചെന്നൈയിലെ പ്രാദേശിക കാലാവസ്ഥാ നിരീക്ഷണ കേന്ദ്രം വ്യക്തമാക്കി ഇടിമിന്നലോടുകൂടിയ ക്യൂമുലോനിംബസ് മേഘങ്ങളിൽ നിന്നുണ്ടായ ശക്തമായ മുകളിലേക്കുള്ള വായു പ്രവാഹം മൂലമാണ് ഈ പ്രതിഭാസം രൂപപ്പെട്ടതെന്നാണ് അധികൃതരുടെ വിശദീകരണം ടൊർണാഡോ രൂപപ്പെടാൻ ആവശ്യമായ പ്രത്യേക അന്തരീക്ഷ സാഹചര്യങ്ങൾ തൂത്തുക്കുടിയിൽ ഉണ്ടായിരുന്നില്ലെന്നും കാലാവസ്ഥാ വിദഗ്ധർ ചൂണ്ടിക്കാട്ടി മർദം കുറഞ്ഞ പ്രത്യേക മേഖലയിലേക്കുള്ള വായുവിന്റെ ചുഴലി രൂപത്തിലുള്ള പ്രവാഹവും പ്രദേശത്തെ താപനില വ്യതിയാനവുമാണ് ഈ അപൂർവ പ്രതിഭാസത്തിന് കാരണമായതെന്ന് അവർ വ്യക്തമാക്കി തമിഴ് നാട്ടിൽ ഇത്തരത്തിലുള്ള സംഭവങ്ങൾ വളരെ അപൂർവമാണെന്ന് കാലാവസ്ഥാ നിരീക്ഷകർ പറയുന്നു ഇന്ത്യയിൽ സാധാരണയായി ഒഡീഷ പശ്ചിമ ബംഗാൾ തുടങ്ങിയ സംസ്ഥാനങ്ങളിലാണ് ടൊർണാഡോ പോലുള്ള പ്രതിഭാസങ്ങൾ റിപ്പോർട്ട് ചെയ്യപ്പെടാറുള്ളത് സംഭവത്തെ തുടർന്ന് നാശനഷ്ടങ്ങളുടെ കണക്ക് ശേഖരിക്കുന്നതിനും ദുരിതബാധിതർക്ക് ആവശ്യമായ സഹായം ഉറപ്പാക്കുന്നതിനുമായി ജില്ലാ ഭരണകൂടം നടപടികൾ ആരംഭിച്ചിട്ടുണ്ട് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക