• News Desk
• 11 2026-06-26 05:33:13

തിരുവനന്തപുരം സംസ്ഥാന സർക്കാരിന്റെ പുതിയ മദ്യനയവുമായി ബന്ധപ്പെട്ട വിവാദങ്ങൾക്കിടെ വീര്യം കുറഞ്ഞ മദ്യം വിപണിയിലെത്തിക്കുന്നതടക്കമുള്ള വിഷയങ്ങളിൽ അന്തിമ തീരുമാനം രാഷ്ട്രീയ ചർച്ചകൾക്കു ശേഷമെന്ന നിലപാടിൽ സർക്കാർ പാർട്ടിയുടെയും മുന്നണിയുടെയും അനുമതിയോടെയേ ഇക്കാര്യത്തിൽ അന്തിമ തീരുമാനം കൈക്കൊള്ളുകയുള്ളുവെന്ന് മുഖ്യമന്ത്രി നിയമസഭയിൽ വ്യക്തമാക്കിയതോടെ മദ്യനയ ചർച്ചകൾ കൂടുതൽ സജീവമായിരിക്കുകയാണ് വീര്യം കുറഞ്ഞ മദ്യത്തിന് നികുതി കുറയ്ക്കുന്ന നിർദേശം ബജറ്റിൽ ഉൾപ്പെടുത്തിയതുമായി ബന്ധപ്പെട്ട വിവാദം തുടരുന്നതിനിടെയാണ് സർക്കാരിന്റെ നിലപാട് വ്യക്തമാകുന്നത് ജൂലൈ ഒന്നിന് നിയമസഭയിൽ അവതരിപ്പിക്കുന്ന ധനബില്ലിൽ നിന്ന് ഈ നികുതി നിർദേശം പിൻവലിക്കാൻ മുഖ്യമന്ത്രി തയ്യാറല്ലെന്നാണ് സൂചന ബജറ്റിൽ പ്രഖ്യാപിച്ച നികുതി ഘടനയിൽ വീഴ്ചയില്ലെന്നും മുന്നണി വീര്യം കുറഞ്ഞ മദ്യം വിപണിയിലെത്തിക്കാൻ തീരുമാനിച്ചാൽ ഇതായിരിക്കും നികുതി സംവിധാനമെന്നും അദ്ദേഹം വ്യക്തമാക്കി എന്നാൽ മദ്യനയം സംബന്ധിച്ച വിഷയത്തിൽ മുന്നണിക്കുള്ളിൽ തന്നെ വ്യത്യസ്ത അഭിപ്രായങ്ങളുണ്ട് മദ്യനയവുമായി ബന്ധപ്പെട്ട നിർണായക തീരുമാനങ്ങൾ മുൻകൂട്ടി ചർച്ച ചെയ്യാതിരുന്നതിൽ എക്സൈസ് മന്ത്രി എം ലിജുവിന് അതൃപ്തിയുണ്ടെന്നാണ് സൂചന ലഹരിവിരുദ്ധ പ്രചാരണങ്ങൾ ശക്തമായി മുന്നോട്ടുകൊണ്ടുപോകുന്നതിനിടെയാണ് ഇത്തരമൊരു വിവാദം ഉണ്ടായതെന്നതിൽ മന്ത്രി രമേശ് ചെന്നിത്തലയും അസ്വസ്ഥത പ്രകടിപ്പിച്ചിട്ടുണ്ടെന്നാണ് രാഷ്ട്രീയ വൃത്തങ്ങൾ വിലയിരുത്തുന്നത് മുന്നണി ഘടകകക്ഷികളായ മുസ്ലിം ലീഗിനും മുഖ്യമന്ത്രിയുടെ നിലപാടിനെ പരസ്യമായി പിന്തുണയ്ക്കുന്നതിൽ ചില പരിമിതികളുണ്ടെന്നാണ് റിപ്പോർട്ടുകൾ കോൺഗ്രസിനകത്തും വിഷയത്തിൽ അഭിപ്രായ ഭിന്നത നിലനിൽക്കുന്നുണ്ട് മുഖ്യമന്ത്രിയുടെ നിലപാടിനെ അനുകൂലിക്കുന്നവരും എതിർക്കുന്നവരുമുണ്ടെങ്കിലും ധനബില്ലിൽ നിന്ന് നികുതി നിർദേശം നിർബന്ധമായും ഒഴിവാക്കണമെന്ന് ആവശ്യപ്പെട്ട് വി എം സുധീരൻ നടത്തിയ പരസ്യ ഇടപെടലിനോട് യോജിപ്പില്ലാത്തവരാണ് പാർട്ടിയിൽ കൂടുതലെന്നാണ് വിലയിരുത്തൽ വീര്യം കുറഞ്ഞ മദ്യം എന്ന ആശയം ആദ്യമായി അവതരിപ്പിക്കുകയും അതിനാവശ്യമായ ചട്ടഭേദഗതികൾ കൊണ്ടുവരികയും ചെയ്തത് മുൻ എൽഡിഎഫ് സർക്കാരാണെന്ന വാദം ഉയർത്തിക്കാട്ടി ഇപ്പോഴത്തെ എൽഡിഎഫിന്റെ എതിർപ്പിനെ വലിയ പ്രാധാന്യം നൽകേണ്ടതില്ലെന്ന സമീപനമാണ് മുഖ്യമന്ത്രി സ്വീകരിച്ചിരിക്കുന്നതെന്നും രാഷ്ട്രീയ നിരീക്ഷകർ ചൂണ്ടിക്കാട്ടുന്നു ജൂലൈ മാസത്തിൽ എക്സൈസ് വകുപ്പ് പുതിയ മദ്യനയം സംബന്ധിച്ച ഔദ്യോഗിക ചർച്ചകൾ ആരംഭിക്കും നിലവിലെ മദ്യനയത്തിൽ വരുത്തേണ്ട മാറ്റങ്ങളെക്കുറിച്ചുള്ള പ്രാഥമിക പഠനങ്ങൾക്കും കരട് നിർദേശങ്ങൾ തയ്യാറാക്കുന്നതിനും ശേഷമായിരിക്കും വിവിധ സംഘടനകളുമായും ബന്ധപ്പെട്ട കക്ഷികളുമായും കൂടിയാലോചനകൾ നടത്തുക തുടർന്ന് പാർട്ടി മുന്നണി തലത്തിൽ അന്തിമ ചർച്ചകൾ നടക്കും അതേസമയം അടുത്ത യുഡിഎഫ് യോഗത്തിൽ മദ്യനയത്തെക്കുറിച്ച് വിശദമായ പഠനം നടത്തുന്നതിനായി പ്രത്യേക ഉപസമിതി രൂപീകരിക്കാനും സാധ്യതയുണ്ട് സർക്കാരും മുന്നണിയും സമാന്തരമായി നടത്തുന്ന ഈ ചർച്ചകൾക്ക് ശേഷമായിരിക്കും അന്തിമ മദ്യനയം പ്രഖ്യാപിക്കുക വീര്യം കുറഞ്ഞ മദ്യം അനുവദിക്കണമോ വേണ്ടയോ എന്ന ചോദ്യത്തിൽ മാത്രമല്ല ബാറുകളുടെ പ്രവർത്തനസമയം രണ്ട് മണിക്കൂർ വർധിപ്പിച്ച മുൻ സർക്കാർ തീരുമാനമുൾപ്പെടെ മദ്യനയത്തിലെ വിവിധ വിഷയങ്ങളിലും പുതിയ സർക്കാർ വ്യക്തമായ നിലപാട് സ്വീകരിക്കേണ്ട സാഹചര്യമാണുള്ളത് അതിനാൽ വരാനിരിക്കുന്ന മദ്യനയം സംസ്ഥാനത്തെ മദ്യവ്യാപാര മേഖലയിലും പൊതുനയങ്ങളിലും നിർണായക മാറ്റങ്ങൾക്ക് വഴിയൊരുക്കുമെന്നാണ് വിലയിരുത്തൽ ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക