• News Desk
• 8 2026-06-27 09:46:30

തൂത്തുക്കുടി വിവാഹജീവിതം ആരംഭിച്ച് ഒരു മാസം പോലും തികയുന്നതിന് മുമ്പ് നവവധുവിനെ ദാരുണ മരണം കവർന്നു തൂത്തുക്കുടി സൗത്ത് തിറ്റങ്കുളം സ്വദേശിനിയായ 24കാരി അനിതയാണ് ക്ഷേത്രദർശനത്തിനിടെ കുന്നിൻമുകളിൽ നിന്ന് താഴേക്ക് വീണ് മരിച്ചത് കുരങ്ങുകൾക്ക് ഭക്ഷണം നൽകുന്നതിനിടെ ഭയന്നോടാൻ ശ്രമിക്കുമ്പോൾ ബാലൻസ് തെറ്റി വീണതാണെന്നാണ് പോലീസിന്റെ പ്രാഥമിക നിഗമനം വിദേശത്ത് ജോലി ചെയ്യുന്ന 29കാരനായ സുരേഷുമായാണ് അനിതയുടെ വിവാഹം കഴിഞ്ഞ മാസം നടന്നത് വിവാഹത്തിനായി നാട്ടിലെത്തിയ സുരേഷ് ഭാര്യയ്ക്കൊപ്പം കഴുഗുമലയിലെ പ്രശസ്തമായ കലുഗസലമൂർത്തി ക്ഷേത്രത്തിൽ ദർശനത്തിനെത്തിയിരുന്നു ക്ഷേത്രദർശനത്തിന് ശേഷം സമീപത്തുള്ള ഉച്ചിപ്പിള്ളയാർ മലമുകളിലെ വിനോദസഞ്ചാര മേഖലയിലേക്ക് ഇരുവരും കയറുകയായിരുന്നു കുരങ്ങുകളുടെ സാന്നിധ്യത്തിന് പേരുകേട്ട പ്രദേശമായതിനാൽ ദമ്പതികൾ കൈവശം കരുതിയിരുന്ന ഭക്ഷണസാധനങ്ങൾ അവയ്ക്ക് നൽകുകയായിരുന്നു ഇതിനിടെ വലിയൊരു വാനരസംഘം അനിതയ്ക്ക് ചുറ്റും കൂടിയതായാണ് റിപ്പോർട്ടുകൾ കുരങ്ങുകളെ കണ്ട് ഭയന്ന അനിത നിയന്ത്രണം നഷ്ടപ്പെട്ട് കുന്നിൻമുകളിൽ നിന്ന് താഴേക്ക് പതിക്കുകയായിരുന്നുവെന്ന് അന്വേഷണ ഉദ്യോഗസ്ഥർ വ്യക്തമാക്കി നിരവധി അടി താഴ്ചയിലേക്ക് വീണ അനിത സംഭവസ്ഥലത്തുവച്ചുതന്നെ മരണത്തിന് കീഴടങ്ങി അപകടം കണ്ട് ഭർത്താവ് സുരേഷ് ഓടിയെത്തി ഭാര്യയുടെ മൃതദേഹത്തിനരികിൽ പൊട്ടിക്കരയുന്ന ദൃശ്യങ്ങൾ സാമൂഹ്യമാധ്യമങ്ങളിൽ വ്യാപകമായി പ്രചരിച്ചിരുന്നു സംഭവം കണ്ടുനിന്നവരെയും ഈ കാഴ്ച വേദനിപ്പിച്ചു വിവരം ലഭിച്ച ഉടൻ അഗ്നിശമനസേനയും പോലീസും സ്ഥലത്തെത്തി മൃതദേഹം പുറത്തെടുത്ത് പോസ്റ്റുമോർട്ടത്തിനായി ആശുപത്രിയിലേക്ക് മാറ്റി അപകടമരണമെന്ന നിലയിൽ കേസ് രജിസ്റ്റർ ചെയ്ത പോലീസ് സംഭവത്തിലേക്ക് നയിച്ച സാഹചര്യങ്ങളെക്കുറിച്ച് വിശദമായ അന്വേഷണം ആരംഭിച്ചിട്ടുണ്ട് വിവാഹം കഴിഞ്ഞ് ദിവസങ്ങൾക്കകം ഉണ്ടായ ഈ ദാരുണ സംഭവം തൂത്തുക്കുടി മേഖലയെ ഒന്നാകെ ദുഃഖത്തിലാഴ്ത്തി വിനോദസഞ്ചാരികളും തീർഥാടകരും കൂടുതലായി എത്തുന്ന മലമുകളിലെ പ്രദേശങ്ങളിൽ സുരക്ഷാ സംവിധാനങ്ങൾ കൂടുതൽ ശക്തിപ്പെടുത്തണമെന്ന ആവശ്യവും സംഭവത്തെ തുടർന്ന് ഉയരുന്നുണ്ട് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക