• News Desk
• 3 2026-06-27 09:48:38

കൊച്ചി കൊച്ചിയുടെ ജലഗതാഗത രംഗത്ത് പുതിയ നാഴികക്കല്ലാകാൻ പോകുന്ന കടമക്കുടി വാട്ടർ മെട്രോ സർവീസ് ഈ ഓണത്തോടനുബന്ധിച്ച് ആരംഭിക്കുമെന്ന പ്രതീക്ഷ ശക്തമാകുന്നു ടെർമിനലിലെ പ്രധാന നിർമാണ പ്രവർത്തനങ്ങൾ അവസാനഘട്ടത്തിലാണെന്നും ബാക്കിയുള്ള സാങ്കേതിക ജോലികൾ പൂർത്തിയായാൽ സർവീസ് ആരംഭിക്കാനാകുമെന്നുമാണ് കൊച്ചി വാട്ടർ മെട്രോ അധികൃതർ അറിയിക്കുന്നത് കടമക്കുടി ടെർമിനലിലെ ഫ്ലോട്ടിംഗ് പോണ്ടൂൺ സ്ഥാപിക്കൽ ഉൾപ്പെടെയുള്ള പ്രധാന നിർമാണ പ്രവർത്തനങ്ങൾ ഏതാണ്ട് പൂർത്തിയായിട്ടുണ്ട് ഇലക്ട്രിക് ബോട്ടുകൾക്കാവശ്യമായ ചാർജിംഗ് സംവിധാനവും ഉടൻ സജ്ജമാക്കും ഇനി സർവീസ് ആരംഭിക്കുന്നതിന് മുമ്പ് ചീനവലകളുടെ പുനഃസ്ഥാപനവും ടെർമിനൽ പരിസരത്തെ ഡ്രെഡ്ജിംഗ് ജോലികളും പൂർത്തിയാക്കാനാണ് ബാക്കിയുള്ളത് ഈ പ്രവർത്തനങ്ങൾ സമയബന്ധിതമായി പൂർത്തിയാകുന്നതോടെ കടമക്കുടിയിലേക്കുള്ള വാട്ടർ മെട്രോ സർവീസ് ഓണത്തോടനുബന്ധിച്ച് യാഥാർഥ്യമാകുമെന്ന് കൊച്ചി വാട്ടർ മെട്രോ ചീഫ് ഓപ്പറേറ്റിംഗ് ഓഫീസർ സാജൻ ജോൺ അറിയിച്ചു അതേസമയം കടമക്കുടിക്ക് പിന്നാലെ വാട്ടർ മെട്രോയുടെ ശൃംഖല കൂടുതൽ വിപുലീകരിക്കാനും പദ്ധതിയുണ്ട് അടുത്ത ഘട്ടത്തിൽ ഹൈക്കോടതി മട്ടാഞ്ചേരി ഇടക്കൊച്ചി റൂട്ടിലേക്കും സർവീസ് വ്യാപിപ്പിക്കും തുടർന്ന് എറണാകുളം ബോട്ട് ജെട്ടിക്ക് സമീപം നിർമ്മിക്കുന്ന പുതിയ ടെർമിനലിൽ നിന്നുള്ള സർവീസുകളും ആരംഭിക്കും ഇതോടെ നഗരത്തിലെ വിവിധ ജലപാതകൾ കൂടുതൽ കാര്യക്ഷമമായി ബന്ധിപ്പിക്കാൻ സാധിക്കുമെന്നാണ് വിലയിരുത്തൽ ഇതിനിടെയാണ് കൊച്ചി വാട്ടർ മെട്രോയുടെ ഏറ്റവും വലിയ ഭാവി പദ്ധതിയെന്ന വിശേഷണത്തോടെ വിമാനത്താവള ജലപാത പദ്ധതിക്കും വേഗം കൂടുന്നത് ആലുവ മെട്രോ സ്റ്റേഷനെയും കൊച്ചി അന്താരാഷ്ട്ര വിമാനത്താവളത്തെയും പെരിയാർ നദി വഴി ബന്ധിപ്പിക്കുന്ന പദ്ധതിയുടെ സാധ്യതാ പഠനങ്ങൾ പുരോഗമിക്കുകയാണെന്ന് കൊച്ചി മെട്രോ റെയിൽ മാനേജിങ് ഡയറക്ടർ ലോക്നാഥ് ബെഹ്റ അറിയിച്ചു ഈ പദ്ധതി യാഥാർഥ്യമായാൽ ആലുവ മെട്രോ സ്റ്റേഷനിൽ നിന്ന് വെറും 15 മിനിറ്റിനുള്ളിൽ ജലമാർഗം കൊച്ചി അന്താരാഷ്ട്ര വിമാനത്താവളത്തിലെത്താൻ കഴിയുമെന്നാണ് പ്രതീക്ഷ മെട്രോ റെയിലും വാട്ടർ മെട്രോയും വിമാനത്താവളവും പരസ്പരം ബന്ധിപ്പിക്കുന്ന ഇന്ത്യയിലെ ഏറ്റവും മികച്ച മൾട്ടി മോഡൽ ഗതാഗത ശൃംഖലകളിലൊന്നായി കൊച്ചി മാറുമെന്നും അധികൃതർ വിലയിരുത്തുന്നു വാട്ടർ മെട്രോയുടെ പുതിയ സർവീസുകൾ യാഥാർഥ്യമാകുന്നതോടെ നഗരത്തിലെ റോഡ് ഗതാഗതക്കുരുക്ക് കുറയ്ക്കാനും പരിസ്ഥിതി സൗഹൃദ പൊതുഗതാഗതം കൂടുതൽ ജനപ്രിയമാക്കാനും വിനോദസഞ്ചാര മേഖലയ്ക്ക് പുതിയ ഉണർവ് നൽകാനും സാധിക്കുമെന്നാണ് പ്രതീക്ഷ ഓണത്തിന് മുമ്പായി കടമക്കുടി സർവീസ് ആരംഭിക്കാനുള്ള തയ്യാറെടുപ്പുകൾ അതിവേഗം പുരോഗമിക്കുകയാണ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക