• News Desk
• 2 2026-06-29 05:21:15

തിരുവനന്തപുരം സ്വപ്നം കണ്ട ജീവിതത്തിലേക്കുള്ള യാത്രയ്ക്കിടെ ഉണ്ടായ വാഹനാപകടത്തിൽ ജീവൻ നഷ്ടമായ 23 കാരി നവോമി വിൻസന്റ് മരണശേഷവും നിരവധി പേർക്ക് പുതുജീവൻ സമ്മാനിച്ച് മാതൃകയായി തൃശൂർ വടക്കാഞ്ചേരി പുല്ലാനിക്കാട് വാണിയക്കിഴക്കേൽ ഹൗസിൽ വിൻസന്റ് ജോസഫിന്റെയും ജിപ്സിയുടെയും മകളായ നവോമിയുടെ അവയവങ്ങൾ സംസ്ഥാന സർക്കാരിന്റെ അവയവദാന പദ്ധതിയിലൂടെ വിവിധ രോഗികൾക്ക് കൈമാറും എം എസ് സി സൈക്കോളജി പഠനം പൂർത്തിയാക്കിയ നവോമി ആദ്യമായി ലഭിച്ച ജോലിയിൽ പ്രവേശിക്കുന്നതിനായാണ് ഈ മാസം 24 ന് രാത്രി അമ്മ ജിപ്സിക്കും സഹോദരൻ ജോയലിനുമൊപ്പം കാറിൽ തിരുവനന്തപുരത്തേക്ക് യാത്ര തിരിച്ചത് എന്നാൽ 25 ന് പുലർച്ചെ നാലരയോടെ കൊട്ടാരക്കരയ്ക്ക് സമീപം വാഹനം നിയന്ത്രണംവിട്ട് മറിഞ്ഞുണ്ടായ അപകടം കുടുംബത്തിന്റെ സ്വപ്നങ്ങളെ തകർക്കുകയായിരുന്നു അപകടത്തിൽ ഗുരുതരമായി പരിക്കേറ്റ നവോമിയെ ആദ്യം കൊട്ടാരക്കരയിലെ സ്വകാര്യ ആശുപത്രിയിലും പിന്നീട് തിരുവനന്തപുരത്തെ സ്വകാര്യ ആശുപത്രിയിലും പ്രവേശിപ്പിച്ചു ചികിത്സയ്ക്കാവശ്യമായ സഹായങ്ങൾ ഉറപ്പാക്കാൻ മന്ത്രിമാരായ പി സി വിഷ്ണുനാഥും ഒ ജെ ജനീഷും ഇടപെട്ടിരുന്നു അപകടത്തിൽ പരിക്കേറ്റ അമ്മയെയും സഹോദരനെയും പിന്നീട് തൃശൂരിലെ ആശുപത്രിയിലേക്ക് മാറ്റി എന്നാൽ ദിവസങ്ങളായുള്ള ചികിത്സയ്ക്കൊടുവിൽ ചൊവ്വാഴ്ച രാവിലെ ഒമ്പതരയോടെ നവോമി മരണത്തിന് കീഴടങ്ങി നവോമിയുടെ മരണത്തിന് പിന്നാലെ സഹോദരി എയ്ഞ്ചലാണ് അവയവദാനത്തിന് സന്നദ്ധത അറിയിച്ചത് ഇതോടെ ബന്ധുക്കളുടെ സമ്മതത്തോടെ അവയവദാന നടപടികൾ ആരംഭിച്ചു സംസ്ഥാന സർക്കാരിന്റെ അവയവദാന പോർട്ടലിൽ രജിസ്റ്റർ ചെയ്തിട്ടുള്ള അവയവം കാത്തിരിക്കുന്ന രോഗികൾക്കാണ് നവോമിയുടെ അവയവങ്ങൾ നൽകുക കരൾ ഹൃദയം ഇരുവൃക്കകൾ കണ്ണുകൾ ഉൾപ്പെടെ വിവിധ അവയവങ്ങൾ ദാനം ചെയ്യാൻ കുടുംബം അനുമതി നൽകിയതായി ബന്ധുക്കൾ അറിയിച്ചു ഇതിലൂടെ നിരവധി രോഗികൾക്ക് പുതിയ ജീവിതം ലഭിക്കുമെന്ന പ്രതീക്ഷയിലാണ് ആരോഗ്യപ്രവർത്തകർ അവയവമാറ്റ ശസ്ത്രക്രിയകളും പോസ്റ്റ്മോർട്ടം നടപടികളും പൂർത്തിയാക്കിയ ശേഷം ബുധനാഴ്ച വടക്കാഞ്ചേരിയിൽ നവോമിയുടെ സംസ്കാരം നടക്കും ജീവിതം തുടങ്ങും മുമ്പേ അപ്രതീക്ഷിതമായി വിടവാങ്ങേണ്ടി വന്ന നവോമി തന്റെ അവയവങ്ങളിലൂടെ മറ്റുള്ളവരുടെ ജീവിതത്തിൽ പ്രതീക്ഷയുടെ വെളിച്ചമായി തുടരുമെന്നതാണ് ഈ വേദനയ്ക്കിടയിലെ ഏറ്റവും വലിയ ആശ്വാസം ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക