• News Desk
• 9 2026-06-29 04:55:44

കോഴിക്കോട് കോടഞ്ചേരി പതങ്കയം വെള്ളച്ചാട്ടത്തിൽ സഞ്ചാരികളെ രക്ഷിക്കുന്നതിനിടെ മലവെള്ളപ്പാച്ചിലിൽ ഒഴുക്കിൽപ്പെട്ട് കാണാതായ ടൂറിസ്റ്റ് ഗൈഡ് ഷിബിൽ റഹ്മാന്റെ 25 മൃതദേഹം മൂന്നുദിവസത്തെ തിരച്ചിലിനൊടുവിൽ കണ്ടെത്തി മലപ്പുറം കീഴ്ശേരി വട്ടോളി കണ്ണംകുത്ത് സ്വദേശിയായ ഷിബിൽ ബെംഗളൂരുവിൽ നിന്ന് എത്തിയ വിനോദസഞ്ചാര സംഘത്തിനൊപ്പമാണ് പ്രദേശത്തെത്തിയത് 12 അംഗ വിനോദസഞ്ചാര സംഘത്തിന്റെ ഗൈഡായിരുന്ന ഷിബിൽ ആനക്കാംപൊയിൽ കണ്ടപ്പൻചാൽ തൂക്കുപാലത്തിനടിയിൽ സംഘം കുളിക്കാനിറങ്ങിയപ്പോൾ ഉണ്ടായ അപ്രതീക്ഷിത അപകടത്തിലാണ് ജീവൻ നഷ്ടമായത് പുഴയിലും പരിസര പ്രദേശങ്ങളിലും തെളിഞ്ഞ കാലാവസ്ഥയും വെയിലും നിലനിന്നിരുന്നെങ്കിലും വനമേഖലയിൽ ശക്തമായ മഴ പെയ്തതിനെ തുടർന്ന് ഇരുവഞ്ഞിപ്പുഴയിൽ പെട്ടെന്ന് മലവെള്ളപ്പാച്ചിൽ രൂപപ്പെടുകയായിരുന്നു ഒഴുക്കിൽപ്പെട്ട ബെംഗളൂരു സ്വദേശികളായ നിഖിത 24 പ്രണിൽ 22 കിഷോർ 22 എന്നിവരെ രക്ഷിക്കാൻ ഒരു നിമിഷം പോലും മടിക്കാതെ ഷിബിൽ പുഴയിലേക്ക് ചാടുകയായിരുന്നു എന്നാൽ അതിശക്തമായ ഒഴുക്കിൽ ഷിബിലും അകപ്പെടുകയായിരുന്നു സംഭവം അറിഞ്ഞ ഉടൻ പ്രദേശവാസികളും മുക്കത്ത് നിന്ന് എത്തിയ അഗ്നിരക്ഷാസേനയും ചേർന്ന് നടത്തിയ രക്ഷാപ്രവർത്തനത്തിൽ ഒഴുക്കിൽപ്പെട്ട വിനോദസഞ്ചാരികളെ സുരക്ഷിതമായി കരയിലെത്തിക്കാൻ സാധിച്ചു എന്നാൽ ഷിബിലിനെ കണ്ടെത്താൻ കഴിഞ്ഞില്ല തുടർന്ന് അഗ്നിരക്ഷാസേന പൊലീസ് ദുരന്തനിവാരണ സേന നാട്ടുകാർ എന്നിവർ ചേർന്ന് രണ്ടുദിവസം വ്യാപകമായ തിരച്ചിൽ നടത്തിയെങ്കിലും ഫലമുണ്ടായില്ല ഒടുവിൽ മൂന്നാം ദിവസമാണ് ഷിബിൽ റഹ്മാന്റെ മൃതദേഹം കണ്ടെത്തിയത് സഞ്ചാരികളുടെ ജീവൻ രക്ഷിക്കാൻ സ്വന്തം ജീവൻ പോലും പണയംവെച്ച ഷിബിലിന്റെ ധീരപ്രവർത്തനം വലിയ ആദരവോടെയാണ് നാട്ടുകാരും സാമൂഹിക മാധ്യമങ്ങളും അനുസ്മരിക്കുന്നത് മഴക്കാലത്ത് വനമേഖലകളിൽ പെയ്യുന്ന മഴയുടെ ഫലമായി പുഴകളിൽ അപ്രതീക്ഷിതമായി മലവെള്ളപ്പാച്ചിലുണ്ടാകാൻ സാധ്യതയുള്ളതിനാൽ വെള്ളച്ചാട്ടങ്ങളിലും നദികളിലും കുളിക്കുമ്പോൾ അതീവ ജാഗ്രത പാലിക്കണമെന്ന് അധികൃതർ വീണ്ടും മുന്നറിയിപ്പ് നൽകി ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക