• News Desk
• 11 2026-07-11 10:05:56

ആലപ്പുഴ സംസ്ഥാനത്ത് മത്തിയുടെയും ചിക്കന്റെയും മറ്റ് അവശ്യ സാധനങ്ങളുടെയും വില കുത്തനെ ഉയർന്നതോടെ ഹോട്ടൽ വ്യവസായം മാത്രമല്ല സാധാരണക്കാരുടെ അടുക്കള ബഡ്ജറ്റും താളം തെറ്റുന്നു ഒരു കിലോ മത്തിക്ക് 400 രൂപ വരെയും കോഴിയിറച്ചിക്ക് 280 രൂപയും ജീവനുള്ള കോഴിക്ക് 180 മുതൽ 190 രൂപ വരെയുമാണ് നിലവിലെ വിപണിവില ട്രോളിങ് നിരോധനത്തെ തുടർന്നുണ്ടായ മത്സ്യലഭ്യതയിലെ കുറവും പ്രതികൂല കാലാവസ്ഥയും മത്തിയുടെ വില വർധിക്കാൻ പ്രധാന കാരണങ്ങളായി വ്യാപാരികൾ ചൂണ്ടിക്കാട്ടുന്നു അതേസമയം കോഴിത്തീറ്റയുടെയും കോഴിക്കുഞ്ഞുങ്ങളുടെയും വില കുത്തനെ ഉയർന്നതാണ് ചിക്കൻ വില വർധനയ്ക്ക് കാരണമായതെന്നാണ് മേഖലയിലെ വിലയിരുത്തൽ സംസ്ഥാനത്തെ മത്സ്യമാർക്കറ്റുകളിലും മത്സ്യബന്ധന തുറമുഖങ്ങളിലുമായി കഴിഞ്ഞ കുറച്ച് ദിവസങ്ങളായി മത്തിയുടെ ലഭ്യത ഗണ്യമായി കുറഞ്ഞിരിക്കുകയാണ് പല സ്ഥലങ്ങളിലും ആവശ്യത്തിന് മത്തി ലഭിക്കാത്ത സാഹചര്യമാണുള്ളത് ഇതോടെ വിപണിയിലെത്തുന്ന പരിമിതമായ അളവിലുള്ള മത്തിക്ക് ഉപഭോക്താക്കൾ ഉയർന്ന വില നൽകേണ്ട അവസ്ഥയാണ് കുറച്ചുവർഷങ്ങളായി 10 മുതൽ 12 വരെ സെന്റിമീറ്റർ മാത്രം നീളമുള്ള ചെറിയ മത്തികളാണ് വിപണിയിൽ കൂടുതലായും ലഭിച്ചിരുന്നത് എന്നാൽ ഇപ്പോൾ 18 സെന്റിമീറ്റർ വരെ നീളമുള്ള വലിയ മത്തി വീണ്ടും ലഭിച്ചുതുടങ്ങിയതായി മത്സ്യവ്യാപാരികൾ പറയുന്നു ഇത് മത്സ്യസമ്പത്ത് മെച്ചപ്പെടുന്നതിന്റെ സൂചനയാണെന്ന പ്രതീക്ഷയുണ്ടെങ്കിലും ലഭ്യത വളരെ കുറവായതിനാൽ വിലയിൽ കുറവുണ്ടായിട്ടില്ല സമുദ്രജലത്തിലെ താപനില ഉയരുന്നതും കാലാവസ്ഥാ വ്യതിയാനവും മത്സ്യക്കൂട്ടങ്ങളുടെ സഞ്ചാരരീതിയിൽ സംഭവിക്കുന്ന മാറ്റങ്ങളുമാണ് മത്തിയുടെ ലഭ്യത കുറയാൻ പ്രധാന കാരണങ്ങളെന്ന് മേഖലയിലെ വിദഗ്ധർ വിലയിരുത്തുന്നു ട്രോളിങ് നിരോധനം അവസാനിച്ച ശേഷവും പ്രതീക്ഷിച്ച തോതിൽ മത്സ്യം ലഭിക്കാത്തത് വിപണിയിൽ ക്ഷാമം രൂക്ഷമാക്കിയിട്ടുണ്ട് നിലവിൽ ലഭിക്കുന്ന മത്തിയിൽ മുട്ടയുള്ള മത്സ്യങ്ങളും ഉൾപ്പെടുന്നുണ്ടെങ്കിലും വരും മാസങ്ങളിൽ ലഭ്യത കൂടുതൽ കുറയാനും ക്ഷാമം രൂക്ഷമാകാനുമാണ് സാധ്യതയെന്ന് മത്സ്യത്തൊഴിലാളികൾ മുന്നറിയിപ്പ് നൽകുന്നു ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക